Lub hom phiaj ntawm daim foos no yog pab koj ua daim ntawv tsis txaus siab txog kev ntxub ntxaug ntawm MDA program. Yog xav tau kev pab sau daim foos, koj yeej hu tau rau 651-201-6657 los yog 800-967-2474 los yog 711 TTY. Koj tsis tas yuav tsum tau siv daim ntawv sau qhia txog kev tsis txaus siab. Koj yeej sau ib tsab ntawv los tau. Yog tias koj sau ib tsab ntawv, nws yuav tsum muaj tag nrho cov ntaub ntawv es daim foos no hais kom yuav tsum tau sau qhia thiab kos npe los ntawm koj los yog koj tus neeg sawv cev rau koj es muaj cai. Cov ntaub ntawv es ua tsis tiav yuav ncua qhov kev es muab koj daim ntawv tsis txaus siab coj los saib.
Koj kuj xa daim ntawv tsis txaus siab es yog fax mus rau 651-201-6118 los yog xa e-mail rau Sabrenia.Young@state.mn.us. Peb yuav tsum tau daim qauv es kos npe rau koj daim ntawv tsis txaus siab, yog tias koj xa email tuaj, nco ntsoov xa daim qauv es koj kos npe tuaj nrog rau koj daim email. Xa ntaub ntawv tsis tiav los yog ntaub ntawv tsis kos npe tuaj yuav ncua sij hawm rau koj daim ntawv tsis txaus siab.
Xa daim ntawv ua tiav mus rau:
Minnesota Department of Agriculture
Sabrenia Young
625 Robert Street North
Saint Paul, MN 55155
Hnub Kawg Xa Tau Daim Ntawv Tsis Txaus Siab Mus
Qhov program daim ntawv sau qhia txog kev ntxub ntxaug yuav tsum raug xa mus tsis pub dhau 180 hnub txij li hnub koj paub los yog yuav tsum tau paub txog qhov tias yeej muaj kev ntxub ntxaug, tshwj tsis yog tias qhov sij hawm ntawv raug ncua kom ntev los ntawm lub tuam tsev MDA. Daim ntawv tsis txaus siab uas xa hauv pais xab nis mus mas xam tias yeej tau txais kiag rau hnub vas thib es kos npe, tshwj tsis yog tias hnub vas thib koj kos npe rau daim ntawv tsis txaus siab txawv deb li xya hnub los yog ntau hnub dua piv rau hnub vas thib es lub thwj ntaus rau lub hnab ntawv, yog tias yog li ntawd, hnub vas thib es lub thwj ntaus yuav yog hnub vas thiv es tau txais daim ntawv. Daim ntawv tsis txaus siab es siv fax xa tuaj los yog sau email hnub vas thib es muab xam tias txais tau yog hnub vas thib fax los yog sau email tuaj.
Cov ntawv tsis txaus siab xa tuaj tom qab 180-hnub es yog hnub kawg mas yuav tsum muaj "qhov laj thawj zoo" piav qhia txog kev ncua sijhawm. Piv txwv li, koj yeej muaj "qhov laj thawj zoo" yog tias:
- Koj yuav tsis tuaj yeem paub tias yeej tau muaj kev ntxub ntxaug ntawm 180 – hnub.
- Koj raug mob nyhav los yog koj tsis muaj lub zog ua lawm.
- Tib daim ntawv tsis txaus siab twb tau xa mus rau lwm lub chaw ntawm tsoom fwv hauv teb chaws, hauv lub xeev, los yog cov chaw hauv lub zos thiab cov chaw tsis muab koj daim ntawv tsis txaus siab los saib.
MDA Tsab Cai
Tsoom Fwv Teb Chaws txoj cai lij choj thiab txoj cai txwv tsis pub muaj kev ntxub ntxaug rau koj raws li hauv qab no: haiv neeg, xim nqaij, tuaj lub teb chaws twg tuaj, kev ntseeg, poj niam los yog txiv neej, kev xiam oos qhab, hnub nyoog, kev txij nkawm, kev nyiam poj niam txiv neej, tsev neeg/puas muaj menyuam, kev pab cuam rau pej xeem, thiab kev ntseeg txog phav kas moos. (Tsis yog txhua qhov rau tag nrho cov programs). MDA yuav txiav txim siab seb nws puas muaj txoj cai lij choj raws li txoj cai los saib cov ntaub ntawv tsis txaus siab. Kev tsim txom pauj kua zaub ntsuab rau pej xeem txoj cai (civil rights activity) mas txwv tsis pub muaj.
Lub Chaw Nyob
Yog tias qhov kev tsis txaus siab no cuam tshuam txog kev ua liaj ua teb los yog lwm yam vaj tse uas tsis yog koj qhov chaw nyob tam sim no, sau rau hauv qhov chaw nyob rau thaj chaw ua liaj ua teb los yog chaw nyob ntawm lub chaw ntawd. Tsis li ntawd ces, ntu ntawm daim ntawv no tsis txhob sau dab tsi rau.
Kev Tso Cai
Lub tuam tsev MDA Daim ntawv foob kev tsis txaus siab txog kev ntxub ntxaug no yog muab raws li Txoj Cai Privacy Act of 1974, 5 U.S.C. §552a, thiab ntsig txog cov ntaub ntawv thov hauv daim foos no es daim ntawv Ceeb Toom no muab tso nrog. MDA hais kom muaj cov ntaub ntawv no raws li 7 CFR Tshooj 15. Yog tias daim foos ua tiav raug lees txais tias yog ib rooj plaub tsis txaus siab, cov ntaub ntawv es nrhiav tau thaum soj qab taug lwg yuav muab siv los tshuaj ntsuam txog qhov kev tsis txaus siab. Qhia tawm txog cov ntaub ntawv no mas nyob ntawm yeem xwb. Txawm li ntawd los, yog tias tsis kam muab cov ntaub ntawv es hais kom muaj nov los yog tsis kam kos npe rau daim foos kuj yuav ua rau daim ntawv tsis txaus siab raug tshem tawm. Yog tias koj daim ntawv tsis txaus siab rau tshem tawm lawm, yuav ceeb toom qhia rau koj. Cov ntaub ntawv es koj muab tuaj rau hauv daim ntawv tsis txaus siab nov kuj yuav muab qhia tawm rau cov neeg sab nraud es lub tuam tsev MDA txiav txim tias kev qhia tawm yog:
1) Muaj feem cuam tshuam thiab tsim nyog rau Lub Tsev Haujlwm Saib Xyuas Kev Ncaj Ncees (Department of Justice), lub tsev hais plaub los yog lwm lub tsev hais plaub, los yog lwm tus neeg sab nrauv ua ntej rooj plaub ntug kev sib foob; 2) Yuav tsum tau ntswj rau ib qho program es lub tuam tsev MDA pom tau tias yeej tau ua txhum cai los yog cov cai; 3) Teb rau lub hoob kas ntawm tsoom fwv yog tias koj tau hais kom lub hoob kas ntawm tsoom fwv yuav tsum tau nug txog koj daim ntawv tsis txaus siab los yog; 4) Mus rau tus thawj tswj saib xyuas kev ncaj ncees rau pej xeem hauv lub teb chaw Meskas es teb lawv txog cov ntaub ntawv lawv xav tau.
Txwv Tsis Pub Pauj Kua Zaub Ntsuab (Reprisal(Retaliation) Prohibited)
Tsis pub ib lub chaw, cov tub ceev xwm, cov neeg ua hauj lwm, los yog tus neeg ua hauj lwm sawv cev rau lub tuam tsev MDA, nrog rau cov neeg sawv cev rau lub tuam tsev MDA thiab nws cov programs, kom lawv hem kom ntshai, hawv, hais lus saib tsis taus, ntxias li quab yuam, ntxub ntxaug rau ib tug neeg twg, los yog pauj kev ntsim siab, pauj kua zaub ntsuab rau ib tug neeg twg es nws tau ua daim ntawv tsis txaus siab tias nws raug kev ntxub ntxaug los yog nws rau qhov kev tuaj soj ntsuam seb puas muaj tseeb los yog lwm yam kev tau hais tias tau muaj kev ntxub ntxaug.
Daim Ntawv Ceeb Toom Qhia Tias Vim Li Cas Kev koj cov ntaub ntawv txog koj tus kheej (Privacy Notice) / Daim Ntawv Ceeb Toom Qhia Tias Vim Li Cas thiaj li kom koj qhia txog koj tus kheej (Tennessen Warning)
Lub tuam tsev MDA thov kom koj ua tiav daim foos no kom cov neeg ua hauj lwm rau lub tuam tsev MDA thiaj li ntsuam xyuas tau qhov koj tau hais tias koj raug kev ntxub ntxaug. Thaum daim ntawv xa tuaj, MDA cov neeg ua haujlwm yuav siv cov ntaub ntawv koj xa tuaj los pib qhov kev tshawb nrhiav. Raws li txoj cai koj tsis tas yuav tsum tau muab cov ntaub ntawv nov rau MDA raws li daim ntawv foos tau kom sau qhia; koj tsis kam muab los yeej tau. Txawm li ntawd los, yog tias koj tsis kam sau kom tiav daim ntawv foos nov kom tiav kuj yuav ua rau ib qho nyuaj rau lub tuam tsev MDA kom soj ntsuam xyuas tau qhov tseeb txog qhov xwm txheej es tej zaum kuj yuav ua rau koj daim ntawv tsis txaus siab thiab muaj kev cuam tshuam rau qhov kev soj ntsuam. Tej cov ntaub ntawv es daim ntawv foos kom koj yuav tsum tau sau qhia yuav muab ceev cia yam tsis pub leej twg pom raws li tsab cai lij choj es tsis pub leej twg pom hauv lub xeev Minnesota. Lwm cov neeg tej zaum kuj nkag mus muab ntau cov ntaub ntawv ntawm koj ntiag tug nrog rau cov neeg ua hauj lwm hauv lub tuam tsev MDA thiab cov neeg muaj kev cog lus (contractors) es ua hauj lwm kom nkag tau mus muab cov ntaub ntawv data, lub tuam tsev Minnesota Department of Administration, tus neeg tuaj hauv lub xeev tuaj kuaj, tus neeg tuaj tim tsoom fwv hauv lub teb chaws tuaj kuaj, thiab ib tug neeg twg los yog lub chaw twg es tso cai los ntawm lub xeev tias yuav tsum kom cia pom, cov cai lij choj hauv teb chaws, cov cai hauv tsoom fwv, los yog tsoom fwv xa ntawv hauv tsev hais plaub tuaj kom yuav tsum tau pom cov ntaub ntawv data. Yog tias tsim nyog, lub tuam tsev MDA kuj yuav tau muab cov ntaub ntawv data nov rau tub ceev xwm thiab muab rau lub Hoob Kas kws lij choj hauv lub xeev hu ua Minnesota Office of the Attorney General.
